Shuru Ho Chuka Hai Kuch Alag…

Meher apni pencil ghuma rahi thi, par dhyan equations par nahi, Rudra par tha. Yeh pehli baar tha jab koi usse sirf ek student ki tarah treat kar raha tha—na ek rich businessman ki beti, na ek delicate ladki… sirf ek student.

Lekin phir bhi… Rudra ka tareeka alag tha.

"Meher," Rudra ne table par halki si knock ki. "Kahan kho gayi?"

Meher ne jhat se aankhein upar uthai. "M-Main? Nahi, kahin nahi."

Rudra ne ek pal use dekha, jaise sach janne ki koshish kar raha ho. Phir usne board ki taraf mudkar likhna shuru kiya. "Toh ab batao, yeh formula apply karna aata hai?"

Meher ne apni notebook dekhi. Sawal toh samajh aa raha tha… par likhne ke bajay, uska dhyan Rudra ki likhne wali ungliyon par ja raha tha.

Lambi, strong fingers… ek ajeeb si confidence.

Usne apna dhyan hataane ki koshish ki. “M-Main try karti hoon,” usne halka sa kaha.

Rudra ne uski taraf dekha, uski sharmahat se ek halka sa smirk aaya. “Try nahi, sahi karna hai.”

Meher ne pencil uthai, likhna shuru kiya… par confusion hone laga. Usne halki si tension se pencil ko ghuma diya.

Rudra ne dekha aur bina kuch bole apni chair kheench li, uske bilkul paas aakar baith gaya.

Meher ka saans ek second ke liye ruk gaya. Itna paas…

Rudra ne uske notebook par pencil se halka sa line mark kiya. "Yeh jo step hai, yahaan tum galti kar rahi ho." Uski awaaz aise thi jaise ek halka sa whisper ho.

Meher ne sir haan me hila diya. Uska dimaag formula nahi, Rudra ki karibi se hil chuka tha.

Ek second ke liye uski nazar Rudra ki nazar se mili.

Ek bina shabdon ka rishta ban raha tha—Meher ki masoomiyat aur Rudra ki teh tak pohonchti nazar ke beech.

Aur tabhi, bijli chamki… literally!

Bahaar tez barish shuru ho chuki thi. Meher ne jhat se khidki ki taraf dekha.

Rudra ne ek halki si smile di. "Lagta hai, aaj tumhara jaana mushkil hai."

Meher ne halki si aankhein badi ki. "Papa ne kaha tha ki main jaldi aa jaoon..."

Rudra ne apni ghadi dekhi. "Agar baarish nahi ruki, toh shaayad tumhe yahan thodi der rukna padega."

Meher ne nervous hoke apni chain touch ki.

Yeh sirf ek tutor-student class thi… ya kismat kuch aur likh rahi thi?

Baarish ab bhi zor se ho rahi thi. Meher ghabrahahat bhari nazar se khidki ke bahar dekh rahi thi. Yeh pehli baar tha jab woh apne ghar se door itni der tak ruki thi.

"Relax, Meher," Rudra ne ek mug me chai dalte hue kaha. "Tumhare papa ko call karke bata dete hain ki tum yahan safe ho."

Meher ne dheere se sir hila diya. Woh ab bhi thodi nervous thi, lekin Rudra ke calm attitude ne use thoda comfortable mehsoos karaya.

Tabhi ek pyaari si aurat kitchen se bahar aayi—Rudra ki maa. Unhone Meher ko pyaar bhari nazar se dekha.

"Beta, tum baarish me bheeg jaati to bimar ho jaati. Yeh ladka tumhe umbrella dene bhi nahi gaya!" Unhone Rudra ko daanta.

Rudra ne frustrated sa expression diya. "Maa, please."

Meher ne halka sa hansi rokne ki koshish ki. Rudra jo itna serious aur composed lagta tha, ghar pe ekdum normal beta jaisa tha.

Aunty ne Meher ke haath pe pyaar se haath rakha. "Beta, jab tak baarish rukti nahi, ghar samajh ke raho. Main garam garam pakode laati hoon."

Meher ne kaha nahi aunty mein ye sab nahi khati.

Rm : to kya khaogi batao na mein abhi banake laati hun.

Meher nahi iski koi jarurat nahi hai mein thik hun.

Thodi de baad barish ruk jaati hai meher ke papa aake usse le jaate hai